UKumisa kwezinkomo.
-(Igama)
*(Ukumisa kwayo)
-IMbedula
* Inkomo esidala enezimpondo ezibheke phezulu ,zase zivuleka , zasontana .
– INxele
*Inkabi enophundo olulodwa, olubheke phansi
-ISigedla
*Kubuye kuthiwe umdlovu. Lena inkabi enezimpondo ezibheke phansi zazilengela nje, noma zalengela phambi kobuso
-IQobodo
* Inkomo enezimpondo ezibheke phezulu noma emuva, bese kuthi ekugcineni kwazo zagobela phakathi.
-UVava
*UVava lubuye lubizwe ngokuthi umvava. Inkomo enezimpondo ezicijile ezibheke phezulu . Inkunzi eluvava iyingozi kabi uma ilwa ngoba uma isigebise ikhanda izimpondo zona zivele zibheke phambili .
-IMpothane
*Inkomo enezimpondo ezisontene , kubuye kuthiwe insontela ,noma inkobongela
-IMpoxela
* Impoxela inkomo encane ngomzimba enempondo ezinkulu ezingayifanele
-ISithulu
*Inkomo engenazo izimpondo. Ibuye ibizwe ngokuthi ingqudulu. Inkabi noma inkunzi engenampondo kuthiwa insizwa .
-ISihleza
*Inkomo enophondo oselwephuka
-IGodla
* Inkabi enophondo olulodwa , olubheke phansi.
-ISigubudu
* Sibuye sibizwe ngokuthi iGubudu . Inkomo enezimpondo ezibheke phansi , zase zigobeka zibheka phambili .
-UMphoxela
* Inkomo enezimpondo ezikhule zabheka phezulu. Le nkomo ibuye ibizwe ngokuthi uPhixongo, noma iSiphondo.
-INgudulu.
* Inkabi esencane enezimpondo ezisamila
-IXhonxo
* Inkomo enezimpondo ezigobele phakakathi okwesikela, zase zizophambana phezu kobuso
-IThoba
* Inkabi enophondo olugobele phakathi njengesikela
-USuthu
* Inkomo nezimpondo ezinde, imvamisa i-Afrikander
-UPhenge
*Inkomo enezimpondo eziqhelelene kakhulu , kuthiwa futhi iSicengeza , noma iSiqenge, noma uPhengelezi, noma iSigengenene, noma iSiyengezi
-ISiyezeke
*Inkabi enezimpondo ezibheke phezulu zase zisontelana
-UVavasholo
*Inkomo enezimpondo ezikhule zabheka phezulu
#Iyaqhubeka
