Imibala yezinkomo
-(igama)
*(umbala)
-Iklalathi
* Inkomo ebomvu noma emnyama enebala elimhlophe ngaphansi kwentamo. Uma kungeyensikazi kuthiwa iklalathikazi
-Inzima/ Inzimakazi
*Inkomo emnyama bhuqe enganalo ibala . Kunesisho sesiZulu esithi iNzimakazi izala iLungakazi nokuchaza ukuthi ‘ingane ayimfuzi umzali wayo ngezenzo”
iLungakazi inkomo emnyama bhuqe enamabala amancane eqolo nasemhlane aze ehlele emikhonweni nasemilenzeni
-Unyonikayiphumuli
* Inkomo emhlophe qwaba engenalo nelilodwa ibala. Ibuye ibizwe ngokuthi ilanda ,amalanda uma seziningi. Loluhlobo lwalukhonzwe kakhulu kubo bonke ubukhosi basebuNguni
-Impevu/ Impevukazi
*Inkomo ebomvu noma emnyama wonke umzimba yase iba nebala elikhulu elimhlophe ebusweni . Kwezinye isikhathi leli bala lehlala lehlela esiswini sayo.
-Inkone /Inkonekazi
*Inkomo emnyama noma ebomvu enamabala amhlophe athe cabacaba ngamabala amhlophe amancane . Kufuneka kodwa la mabala amhlophe ehlise umhlonzo, esukela ebusweni. Kwesinye isikhathi iyaye ibe nombala omhlophe emhlane nangaphansi
-Inzotha/Inzotho/Inzothakazi/Inzothokazi
*Lena inkomo ensundu ngokujulile ,noma ebubende
-Ijoli/Ijolikazi
-Inkomo ebomvu noma emnyama emhlophe ngeshoba.
-Imfezi /Imfezikazi
*Imnyama bese iba klilathana ngentamo, ibe nebala elimhlophe entanyeni. Kwesinye isikhathi ibe mhlophe kulo lonke elangaphansi
-IGwaqa /iGwaqakazi
* Umbala wale nkomo uphakathi kokuba bomvu tebhu nokuba bubende kakhulu .
– IWaba/ iWasakazi
* Ibuye yaziwe ngokuthi iNsingizizisuka . Inkomo emnyama enombala omhlophe ontwini wangenela nasezinkwapheni.
-INkwazi /iNkwazikazi
* Umbala wale nkomo ususela enyonini edla izinhlanzi(Fish Eagle) (ulunywe lohlobo lwezinkozi) . Le nyoni imnyama bhuqe umzimba wonke yase iba nekhanda elimhlophe kusukela entamyeni. Nayo-ke iNkwazi/iNkwazikazi umbala wayo ufana ncamashi nowale nyoni.
-IDube/iDubekazi
* Ibomvu ngokugqunqile yase iba nemishwi emnyama enqamula umzimba kabi, njengalo idube lempela. Elinye iDube lisenokuba mpunga linqamule ngamabala amhlophe.
-IHhemu/iHhemukazi
* Ibomvu nganhlanye ,imhlophe nganhlanye. Kwesinye isikhathi iba mnyama nganhlanye, ibe mhlophe nganhlanye. Kanti futhi lombala omhlophe unokuba sezinhlangothini zombili.
-UFipha/Fiphakazi
* Inkomo emnyama tsu bese iba bomvu ngamadlebe. Kukhona efipha ngokunsundu nefipha ngokulisomi.
-EMatshezulu
* Kushiwo inkomo exube ngokulinganayo umbala omnyama nomhlophe.
-EMatshehlathi
* Kushiwo inkomo exube ngokulinganayo umbala omdaka nomhlophe.
-EMavakavaka
* Inkomo exube imibala njengengwe .
-EMavukuthu/EMavukuthukazi
-Inkomo enombala onjengoweVukuthu, iVukuthu uhlobo lwejuba
– EMavovo /iMvubamabele
* Inkomo enemabala abomvu namhlophe akhwifizeke wonke umzimba
-UMbungu/uMbungukazi
* Inkabi noma inkomazi emhlophe qwaba umzimba wonke kanye nezimpondo
-IFusa /IFusakazi
* Inkomo ebomvu ngokuzotha, ngokungaklasile
– EMasavutshiwe
* Le nkomo ibuye ibizwe ngokuthi iMvubamabele. Inkomo emnyama ngokuthubiyele sakuba mpunga yase ifakaza amabala amhlophe wonke umzimba
-ENhlekwane
* Inkomo emnyama enebala noma umusho omhlophe esiphangeni noma ohlangothini
-INala/ iNalakazi/iNasakazi
* INkomo ebomvu noma emnyama efahlaze ngamabala amhlophe wonke umzimba
– iNtulo /iNtulokazi
*Inkomo ebomvu noma emnyama enekhanda elimhlophe
-IQola /IQolakazi/ IQolazana
* Inkomo ebomvu noma emnyama enebala elimhlophe eqolo. Uma kungemnyama kuthiwa iqola ngokunzimakazi, uma kungebomvu kuthiwa iqola ngokunhlamvukazi
-IQhagi/IQhwagikazi
* INkomo ebomvu noma emnyama eyehlise umbala omhlophe emhlane
-ENsundu
* KuseyiNzotha/iNzotho /iNzothokazi . Funda ngeNzotha ngenhla.
-EPhuzigwebu
* INkomo ebomvu noma emnyama emhlophe ngomlomo.
-EBafazinewela
* Inkomo ebomvu noma emnyama wonke umzimba bese iba mhlophe ngemikhono nemilenze. Nanxa imdaka kuyashiwo ukuthi iBafazibewela
-IMbondwe/IMbondwekazi
* Inkomo ebomvu okwesibindi
-EMasavutshiwe
* Inkomo ebomvu sakuba mpunga yase ifakaza amabala amhlophe wonke umzimba. Le nkomo ibuye ibizwe ngokuthi iMvubomabele
-IGampu/iGampukazi
*Inkomo emnyama enqamulise umbala omhlophe emhlane
-UBhulomu
* Inkabi emnyama noma ebomvu efahlaze ngombala umzimba wonke ngisho ebusweni nasemadleneni. Kuthiwa futhi iMahwaqahwaqa .
-Izihlangu zoDloko
* Lenkomo kubuye kuthiwe futhi iMaqandakahwayiba. Inkomo emhlophe enamabala ansundu noma iziyingi wonke umzimba.
-ISiqanda /iSiqandakazi
* INkomo enamabala amaningi wonke umzimba
-EPhethikhowe
* Inkomo emhlophe ngokuyela ebumpofini
-UThuthuva/ uThuthuvakazi
*Inkomo enombala wesihlabathi
-UThuthu/UThuthukazi
*Inkomo ethi kayibe samlotha, sakuba ntuthu
-ISiphukuthu/ iSiphukuthukazi
*INkomo enebala elimhlophe ebusweni, iMpevu
-INtenjaneINtenjanekazi/uMthuku/ uMthukukazi/uMdubu/uMdubukazi
*Inkomo empofu ,noma emdubu. Kubuye kuthiwe iMpofu noma iMpofukazi
#Iyaqhubeka
