Izikhali zakwaZulu
-(isikhali)
*(incazelo)
-IKlwa
*IKlwa wuhlobo lomkhonto obuye ubiziwe ngokuthi yiJozi . Umphini (uthi) walo mfushane kanti ukudla kude futhi kubanzi.
-IKhebezane
*IKhebezane licishe lifane neKlwa kodwa lona uthi lwalo luthe ukuba lude kolweKlwa. Ukudla kude ,kubanzi kodwa kunamazenga.
-UMdlulu
*Umkhonto onesidunu sokudla eside, kuthi ukudla kwawo ngempela kube kuncane.
-ISwazi
*Indabuko yalo mkhonto iseSwazini. Ukudla kwawo kwenziwe izisedlana.
-IThatha
* IThatha uhlobo lomkhonto onokudla okubanzi kwacwija phambili.
– ISizenze.
* Siphathwa ngabanumzana nezinduna ezishadisayo. Siphiselwa endukwini sibe side ngangomshiza . Kufakwa insimbi phambili engathi yigejana.
-ISiphapha
*Sibuye sibizwe ngokuthi yiSinkemba. Umkhonto okuhlotshwa ngawo . Umfishane nje unokudla okubanzi okungangesandla.
-ISijula
*ISijula umkhonto wokuzingela ,ukudla kwawo akubanzi kangako ,umkhono mude. Lo mkhonto ubuye usetshenziselwe nokugqobha izimpande, bese kuthiwa iSinsemba.
-ISikwata
* Ukudla kweSikwata kumfishane kubanzi, kucijile ekugcineni.
-INgcula
* Umkhono weNgcula mude ,ukudla kuncane . Lo mkhonto usetshenziselwa kakhulu ukuzingela . Ubuye ubizwe ngokuthi iNtshushu
-INhlekwane
* Nalo lisitshenziselwa kakhulu ukuzingela. Usetshenziselwa ukuciba nokuhlaba inkomo eduze. Ukudla kwawo phambili kude kungumcingwana kwaphiselwa esidunwini esivamise ukuhlotshiswa sibe yinsongansonga.
-ISinqindi
*Umphini weSinqindi mfishane . Kwesinye isikhathi awuphiselwa,kuba ukudla kwawo nje . ISinqindi siphathwa umakoti egcagca. Sibuye sisetshenziselwe ukusika inyama emshadweni.
-IZakha
– Lolu hlobo lomkhonto lubuye lubizwe ngokuthi INhlendla . Umkhonto oboshilwe ngocingo olunameva. Kuzingelwa nawo . IZilo zakwaZulu oCetshwayo noDinuzulu babedondolozela ngawo .
– INdlodlela
* Kuthiwa futhi uMdlulu . Sesiyichazile ngenhla.
-UMukhwa
* ESwazini uma kukhulunywa ngoMukhwa kusuke kukhulunywa ngoMmese. KwaZulu uMukhwa umkhonto onokudla okubanzi ngeminwe emibili, uphiselwa endukwini emfishane .
-UMhebhe
* UMmese weSintu owakhiwe wanesimo somkhonto . Ekuqaleni lo mmese wawusetshenziwa ngoMame emasimini. Ubuye ubizwe ngokuthi iSigece
– INgcawe
*Nayo kuzingelwa ngayo . Isidunu sayo sinsongansongene sahlotshiswa. Ukudla kude kungumcingwana .
-INcusa
*Umkhonto wokujikijela onokudla okulingana ne-ruler yezingane zeskole . Uphiselwa emphinini onesikhumba esimanzi
AMAHAWU
IHawu lenziwa ngesikhumba senkomo . Liyavika libuye libhule. Liqiniswa ngumgobo . Umgobo wuthi olwenziwa lufakwe phakathi naphakathi kweHawu . Ukuhlobisa iHawu ukugaba .
-ISihlangu
*ISihlangu uhlobo lwehawu okude kangangokuthi luze lwedlule nomuntu osuke elusebenzisa . Lwaluphathwa kakhulu ezimpini
-IGabelolomunye
* IHawu elincane
– UMdlelo
*UMdlelo mncane kakhulu.
-IGqoka
* IHawu eliphathwa izinsizwa uma zivunule ziyokweshela. Lincane nje ngokulingene