UCalakalithethwa \iNdodakayiphikiswa
Nina abakaNdaba woza ngange umlomo umlomo uyangiwa kithi KwaZulu, uMakhalima akhande njengeZulu lona limakhalima limandindizela! Enhla nasezansi ngiyayibingelela yonke iNgabade , ngethemba basaphila abeZulu eliphezulu.
Nina beQhawe nango-ke uCalakalithethwa , umuthi omkhulu wamacala njengoba negama nalo lizisho . Lolu olunye uhlobo lweNtuma oluthela izithelo ezibomvu njengezikaTamatisi. Umsebenzi kaCakalithethwa usafana noweNtuma , njengoba sazi ukuthi nayo iNtuma yinhle kwezamacala namaPhoyisa. UCalakalithethwa ungena kakhulu kwezamacala, uyinqinda amandla iMantshi ivele ikhonze uMsolwa, agcina ewudlile umhlanganiso uMsolwa kanjalo nje emini izwe libuka. Impande kaCalakalithethethwa uma uyiphethe emotweni awuvinjwa yiPhoyisa , njengayo eyeNtuma. UCalakalithethethwa uphinde ungene nasemithini yokwesatshwa, uma ukhuluma kuzwakale ngokuphazima kweso , kuthathwe uvo lwakho . Kuyileso sizathu le Nduku ibuye ibizwe ngoNdodakayiphikiswa. NoDade nabo bawusebenzisa kakhulu ekuthambiseni aBayeni babo, bathi uma bekhuluma uMyeni alalele. Ngingasho ngithi uyangena emithini yeNtando. NamaSoka ayawusebenzisa kwezokweshela. Abanye bafaka impande ka Calakalithethethwa ngaphansi kolimu uma bezoya emacaleni .
Khumu!!!
