UMbhongisa
Nina abakaSihlangu simagqabha sinamanxeba ! INtulo ebande ngodonga kwaBhekuzulu! UZiyayinhlonhlonga inkomo ethandwa zibawu! Enhla nasezansi ngiyayibingelela yonke iNgabade ngethemba basaphila bonke abeSILO . Cha , thina sisaphila sisaphila eMantungweni . Nina beSilo le Nduku eniyibona esithombeni kuthiwa uMbhongisa igama layo . YiNduku esetshenziswa kakhulu lena kwelikaZanzolo, kwaXhosa. Le Nduku ngesiSayensi ibizwa ngeDiospyro lyciodes. NgesiZulu ibizwa ngoMbulwa. Ka se Pedi bare ke Mtloumana. Ka se Sotho ke Monkga -nku. NgesVenda ibizwa ngoMuthala . Ka se Tswana bare ke Lethanyu. NgesiBhunu ibizwa ngeBloubos. NgesiNgisi ibizwa ngeStar Apple , noma Blue Bush, nioma ngeMonkey Plum. NgesiSwati kuthiwa uMcafudane.
Wenzani uMbhongisa?
Nina beSilo le Nduku iwumuthi omkhulu weNyongo , kusebenza izimpande zayo okungekho lula ukuzithola kwazise zitholakala ekujuleni . Ziyabiliswa nje kwenziwe iSiphungo esiphungelwa ukwehlisa iNyongo. Kanti lesi Siphungo sibuye sibe sihle ekweliseni inhlungu yeFindo kwabeSimame. Izimpande zo,Mbhongisa zibuye zingene nakwezoMvusankunzi. Impande yoMbhongisa kubuye kwelashwe ngayo izinyo elibuhlungu, iyamfimfithwa nje kuphela , kanti nomhluzi wayo uyagwinywa ngoba ugeza umoya , kwabanenkinga yomoya onganuki kahle. Le Mpande iyangena kwezokuphalaza , ikhipha eningi iNyongo le. Izimpande zale Nduku ziyangena kwezokubethela ikhaya, ziyangena futhi kwezokuchela ikhaya kuxoshwe imimoya emibi. Impande yoMbhongisa iyangena nasezimbizeni zezifo zoCansi.
Khumu!!
Vakashela uYou Tube wethu osihloko sithi “Kholo Khumalo TV” uthole olunye ulwazi..
