Nina abeNdlovu emnyama yakithi oNdini , ethe imuka babeyixokozelela ! ISinakanaka sezincwadi ebezibhalwa uMalimade kwabamhlophe abeLungu! #ISilo sakithi oNdini leso , iSilo uCetshwayo ka Mpande . Enhla nasezansi ngiyayibingelela yonke iNgabade , ngethemba basaphila abeSilo. Cha, thina sisaphila eMantungweni .
Inkanyezi yoLwandle\ Sea Star
Nina beSilo le Nduku eniyibonayo kuthiwa iNkanyezi yoLwandle. Le Nduku itholaka oLwandle , ikakhulukazi olwaseDalagubha. Itholakala impela ekujuleni kwalo uLwandle .NgesiLungu ibizwa ngeSea Star noma ngeStarfish . Thina siyithenga eFaradeyi …*Bayayisebenzisa-ke abeLaphi beNdabuko le Nduku. . Iye isebenze kahle uma isigaywe yaba yiMpuphu , uPowder..* Nina beSilo le Nduku ingenye yeziNduku ezihamba phambili kwezokudonsa . Ingena eZibungeni , yinhle kakhulu , idonsa ngendlela eyisimanga. Iyangena nasemithini ephalazela iNhlanhla, iye igiye kakhulu nemithi efana noNhlanhlemhlophe , Velabahleke , uVumakubangoma omhlophe , uBhubhubhu kanye nezinye iziNduku. Le Nduku ibuye isebenze kahle uma ishiswe njengeMpepho kwiBhizinisi , yashunqiswa ekuseni ngaphambi kokuba ulivule iBhizinisi.
Khumu!
Niphile nina beSilo . Vakashela uYou Tube wethu osihloko sithi “Kholo Khumalo TV” uthole olunye ulwazi
thanks kakhulu wena wendlovu
wena weSilo