Nina abeNyathi ka Ndaba empondo zimakhenkenene ,uQasa lukaWasa inkomo esengwa yiViyo! UNtaba zimbili zakhelene zentula ngisho ukuxhawulana! INtulo ebande ngoDonga kwaBhekuzulu! #ISilo sakithi eNaleni leso , iSilo uMdlokombane. Enhla nasezansi ngiyababingelela abeZulu eliphezulu. Ngethemba basaphila . Nina beSilo esithombeni isilwane esisaziyo sonke , esibizwa ngokuthi yiNyathi , esikwiBig Five yezilwane.NgesiLungu iNyathi ibizwa ngeAfrican Buffalo noma ngeCape Buffalo kwazise ziningi izinhlobo zeziNyathi , kukhona nenhlobo efuywa njengenkomo, ifuywe ekhaya kuze kulinywe nangayo. Leyo nhlobo itholakala ezweni laseNdiya. Ake sibheke okwenziwa uMfoka Mbhense kwezaMakhathakhatha.
Wenzani uMfoka Mbhense?
Nina beSilo ikhanda likaMfoka ikakhulukazi le ngxenye yangaphambili kungena kwezokugomela isibhamu. Phela bathi iqinile leya ngxenye yekhanda likaMfoka Mbhense izinhlamvu zezibhanyana ezincane azingeni nhlobo, kungena inhlamvu yesibhemu esikhulu kuphela . Inyongo ka Mfoka Mbhense ingena kwiNsizi yamaNyazangoma okuyiNsizi elwa nezitha. Kuleyo Nsizi kuye kuthakwe zonke izihlahla zamaNyazangoma. Isikhumba sikaMfoka Mbhense siye sibiliswe kwenziwe iMbiza ephuziswa iMfuyo enenkinga yokuphunza, iMfuyo ephunzayo.
Khumu!
Niphile nina kaNyathi ka Jamba ejame ngoMkhonto phezu koMzimvubu. ISilo uShaka leso. Thola olunye ulwazi kuYou Tube wethu osihloko sihloko sithi @kholokhumalotv