IZAGA:Eziqondene nobutha nokulwa
-(Isaga)
*Incazelo)
-Uzowukhomba umuzi wonotshwala
* Kusuke kusongwa ,noma kusengelwana
-Zinkani zababili/ Kubambene ingwe nengonyama /Zindala zombili
*Akwaziwa ukuthi ubani oyodla umhlanganiso ngoba amandla abo ayalingana, zindala zombili
-Yinkukhu nempaka
-Yizitha ezinkulu, njengenkukhu nampaka. Kubuye kuthiwe “Yikati negundane , noma ” Yinja nekati”
Kubuye kuthiwe futhi “Yimpi yakwaMabonwa-bulawe, inkukhu nempaka
-Utshwala bubila ngambizanye
* Kuxabene abantu abahamba ndlelanye
-Impi yomndeni kayingenwa
-Ungabiyingena impi yezizalani ,noma eyezithandani ngoba kusasa bayoxolelana bese usala wedwa , ubukeke njengomuntu omubi
-Kuhlangane izaqha
* Kuphikisana abantu abanamandla alinganayo. Izaqha yizinja
-Kubheke inyanga nelanga
* Bakhaliphile bobabili
-Akukho thusi lathetha lilodwa
* Kufanele abantu baze babe babili ukuze kuvele ingxabano
-Amathonya ayathonyana
*Kusuke kugadlana abathakathi abanamandla alinganayo
Iyaqhubeka