IZAGA: Eziphathelene nenkani
-(Isaga)
*(Incazelo)
-Uyakubuya yedwa njengengubo ka Ziyongo
*Myekeni nenkani yakhe kodwa kuyakumfica ukwenza. U-Ziyongo wayengowakwaMthethwa
-Isalakutshelwa sibonwa ngomopho
*Umuntu ongafuni ukulalela izexwayiso zabanye ugcina ngokuba senkingeni
-Umvundla ziyakuwunqanda phambili/Hamba juba bayokucutha phambili
*Qhubeka nenkani yakho, noma qhubeka nezenzo zakho ezimbi kodwa ukwenza kuyakuxaka. Ziyokubuyisa izinhlopheko, noma bayokubona amanamehlo
-Kwaphekwa yena kwaphekwa itshe , kwavuthwa itshe kuqala
*Akunkani yiselesele liphikelele emsamo. Inkani yakhe ixaka ukwenza
-Akunkani yiselesele liphikelele emsamo
*Umuntu ophikelela ukwenza okushiwo yikhanda lakhe noma esekhuzwa
-Uyoluthez’olunenkume
*Qhubeka nenkani yakho kodwa uyongena ezinkingeni ngelinye ilanga
-Mathe ami ngilinde
*Angisazimisele ukwanda ngamagama kodwa siyobona ukuthi iyozala nkomoni
-Inkomo icolile inone
*Bengithini-ke wathini wena? Kwenzeke kahle kwahamba ngale ndlela
-Woze utheze umqokolo ukholwe ngameva
*Kushiwo umuntu onenkani ukuthi woze abone kabi
-Amaphikankani afela enkanini
*Lowo ongafuni ukulalela lapho ekhuzwa uvama ukungena engozini
-Ababuyisi baphambili
*Kusefana nokuthi ‘Umvundla ziyakuwunqanda phambili’
-Siyoyicela ivuthiwe
* Soke sibone ukuthi iyolunga yini lento yakho
-Wofika kwangqingetshe
*Kuyoze kukufice ukwenza
-Ngiyokubuza kuvunde igundane
*Uyosho ukuthi ngasho. Qhubeka nje wena nenkani yakho
#Khumu!
