
Tinanatelo taka Mnisi
Tinanatelo taka Mnisi
Mnisi,
Mvulane ,
Mvulane loluhlata lonjengeNcoshane,
Maphanga weMvula,
Wena mfula kawuwelwa bantfu nawugcwele
Uwelwa tiNkhonjane kuphela,
Tona tiphapha etulu,
Nine lenangena kuMantjolo
Naphuma nesikhuni sivutsa,
Nibe beMhlongamvula.
Banemanga bakaShabalala batsi uMhlongamvula udzilikile,
Kantsi bayawuhawukela,
Wena Mnisi alibaleli lawuhambe khona licisha tinyawo
Gwadlagwadla,
Manyovu,
Manyovu lobekengadzinwa nakusutela,
Wena Siyingayingane sekhaya netsafeni,
Tinkhophe timayaka!
Mnisi!
Mvulane!
Awuqedwa Mnisi.
Khumu!