IZAGA:Ezeluleka ukuba umuntu azenzele

-{Isaga}

*{Incazelo}

-Ibuzi laziwa ngumlaleli

*Into yaziwa ngulowo ozihlupha ngayo

-Imbila yeswela umsila ngokulayezela

*Zenzele, ungabothembela kwabanye ukuba bakwenzele izinto

-Isisu esihle ngesibonwa yilanga

*Sebenza, ngeke uthole lutho uma ungasebenzi

-Ubudoda kabukhulelwa

*Noma omncane anagzenza izinto ezitusekayo ezivame ukwenziwa ngabadala

-Yeka izindlela ukumila utshani

*Kusuke kushiwo kumuntu ovilaphayo

-Isikhuthali sidla ukukhuthala

*Umuntu udla isithukuthuku sakhe

-Ukhozi olubambayo ngoluzulayo

*Kuphumelela osebenzayo . Abanye bathi ‘Kubamba ezingelayo’

-Akukho nkwali yaphandela enye\Akunkwali yaqhwayela enye

*Sebenza nawe ukuze uphumelele, akekho umuntu osebenzela omunye

-Amehlo kaphathelani , ngamabheka ashiye

*Zibonele ngokwakho , ungathembeli kwabanye

-Isikhova sidla amehlo aso

*Umuntu ufanele azisize yena ngokwakhe

-Iningi liyabona ububende

*Ayilungi kahle into yomfelandawonye

-Iqaqa lisinda kuzalusa

*Zivekele nawe uma usenkingani, ungalindeli ukuthi wovikelwa ngabanye

-Yeka uqothovane osinda ngokuzimbela

*Kusuke kushiwo umuntu ophumelele ngokuzisebenzela

-Akunsimba yazuza ibuzi ngokuhlala

*Umuntu olivila angelindele ukuthola lutho

-Umvundli wembande kasweli lutho

*Zisebenzele nawe ukuze ukwazi ukuziphilisa

-Umahlala udla ukuhlala kwakhe

*Ubuvila abanambuyiselo . Umuntu ovilaphayo uyodla ubuvila bakhe

Kubuye kuthiwe ‘Isihlala ndawonye sadla amajwabu’ , noma ‘Ivila lidla ubuvila’ noma uMenabi udla ukwenaba

#Khumu