UMsobo
Nina abakaMbomboshe omnyama uMgabadeli owagabadela inkundla yakwaBulawayo! IHwanqa eladla amanye amaHwanqa ngoba ladla uPiti kwabaseMgungundlovu !#ISilo sakithi eMgungundlovu leso iSilo uDingane ka Senzangakhona.. #Enhla nasezansi ngiyayibingelela yonke iNgabade , ngethemba basaphila abeSilo. Cha, thina sisaphila eMantungweni.
UMsobo
Nina beSilo le Nduku eniyibonayo kuthiwa uMsobo igama layo , isithelo saseNdle lesi nina beSilo. Isihlahla soMsobo sikhula sibe sifushane sibe nemixhantela eminingi , singaqini njengezinye izihlahla. Silula , siyaphuleka nangezandla. Amacembe aso ayadliwa ayiMfino eyandisa i-Iron emzimbeni womuntu. Kuthiwa i-Iron akufanele yehle emzimbeni womuntu ngoba uma yehla umzimba uhlaselwa yizifo kalula. Uphawu lokwehla kwe-Iron kuba ukubanda kwezandla, ngaphakathi kweminwe. Izithelo zoMsobo ziyadliwa nazo ziyayandisa i-Iron kumuntu. Isithombo sonke sale Nduku siye siphekwe sibe yiMbiza yezinso, le mbiza iyazihlanza izinso zigezeke kusuke wonke amagciwane ezinsweni. Le mbiza ibuye ilaphe nesifuba esigulayo. Isivule sikwazi ukuphefumula . Le mbiza ibuye ibulale nezikelemu esiswini yelaphe nesisu esigulayo , esijuqayo. Le mbiza ilungisa nesikhumba , isuse zonke izinduna nezinsumpa. Izithelo zoMsobo ziyadliwa nazo zandisa i-Iron emzimbeni.. Insizi yamacembe oMsobo yinhle ekupholiseni inkaba yengane esencane ……UMsobo awunawo ushevu nina beSilo, uyadliwa kungabindaba zalutho.
Khumu!!
Niphile nina beSilo . Vakashela uYou Tube wethu osihloko sithi “Kholo Khumalo TV” uthole olunye ulwazi….
