UVUMAKUBANGOMA OMHLOPHE:
Nina aboVemvane lukaPhunga noMageba uVemvane lumabala azibhadu ngibe ngiyaluthinta luyahwaqabala , lunjengoPhunga waseBulawini , lunjengoVumakubangoma !! UQambi lankomo ukuba zilahlekile ziyofa uMdlebe kwaSoshangane! #ISilo uDinngane leso , iSilo sakithi eMgungundlovu. Enhla nasezansi ngiyababingelela abeSilo , ngethemba basaphila. Sisaphila thina eMantungweni.
UVuma omhlophe .
Nina beSilo le Nduku eniyibonayo kuthiwa uVumakubangoma omhlophe igama layo , yiyona kanye okubongwa ngayo iSilo saseMgungundlovu , iSilo uDingane ka Senzangakhona . Babili oVuma, kukhona omhlophe kanye nobomvu. Nina beSilo le Nduku yiNduku yamaSoka kanye nabaNgoma . Le Nduku nina beSilo iyalwakha uGazi , iyakwakha ukuthandeka . Kule Nduku kuye kusebenze yona le mpande emhlophe eniyibonayo . Iyangena impande impande yale Nduku emithini yamaSoka ephalazela ukwakha uGazi.Kuleyo ndawo iye igiye neziNduku ezifana noMtholo , uQhume, uNhlanhlemhlophe, uVelabahleke, uMusa ,uFoshela kanye nezinye iziNduku .Le Nduku iyayikhipha inyongo kanye nezindenda kumuntu osuke ephalaza ngayo . Iyakhuculula . Le Nduku ibuye ingena kwezokugqumela kanye nokugezela ukwakha uGazi. Ithandeka kakhuku insizwa edla le Nduku nina beSilo. Le Nduku iyangena nakwezenhlanhla….*****Kanti nabaNgoma nabo bayithwele ngeQoma le Nduku . Iyangena eGobongweni elimhlophe le Dlozi .Iyangena le Nduku emithini egeza iDlozi ebeliphenduliwe.Iyangena le Nduku kwezokugeza aManzamnyama. ***Izimpande zale Nduku zibuye zibiliswe zibe yiSiphungo eziphuzwa kancane nje ngento engalingana neNgilazana , leso Siphungo sihlela inyongo eseyenabele nasezibindini , sibuye sigeze namaphaphu kanye nenhliziyo .Senze umuntu aphefumele kahle ngaphandle kokuphazamiseka.
Khumu!
Niphile nina beSilo.Thola olunye ulwazi kuYou Tube wethu osihloko sithi “Kholo Khumalo TV “
