Izithakazelo (ZaBaNguni baseMbo)

Izithakazelo zakwa-Mkhize!!

Gcwabe,
Khabazela,kaMavovo kaZihlandla,
Gubhela,
Mumbo omnhlophe,
Wena waseMbo,
Wena okhanya amasi esiswini,
singela,
Nhlama eyaphelel’ etsheni,
Ngunezi,
Mumbo ombulazi,
Nina enadla umuntu nimyenga ngendaba,
Sibi side esimajembelezana,
Sibi side esimaphandla esaphandl’abeNguni bavungama,
Nina bengwaz’ emabhudle,
Eth’ isabhudla yabuye yaphinda yabhudla
Malala amahle,
Nin’ enalala nomunwe,
Navuka nakhwif’ilanga.
Nzalo kaSambela,
Nina bakaSidaphudaphu ngokubadaphunela,
Nzalo kaLuzalo!

Zalankomo!

Izithakazelo zakwaMasuku:

Sothondose waseGudunkomo
Zwide kaLanga
Nkabahle
Sandla sivika umkhonto kuhle kwehawu
Nina enagunda inkomo nethole layo
Nina baseGudunkomo
Somaphunga
Mkhwatshwa

Inkosi ayiqedwa

Izibongo zenkosi uZwide

Zwide kaLanga

UNonkekhela abantu bahlatshwe

Kuhlatshwa iminyango enesisila

Yena bangamhlabi

Ezindleleni ufana nayiphi na?

Ufana nevundlayo

Emithini ufana namuphi na?

Ufana nomnyamathi

Ezinyokeni lapha ufana nayiphi na?

Ufana nenyandezulu

Isikhova sikaMkhonto noLanga

UMasheshe afike kuMashobana

Noyise uLanga angazange afike

Iqili abalihlabe lishona ilanga

Zinga.ahlatshwa izibhabhayiyana

Amakhubalo adliwa ngangubo yankomo

Adliwa ngengubo yengonyama

Izibuko eliamadwala abushelelezi

Lishelele uMalusi waseNgoleleni

Lashelela uDingiswayo wasoYengweni

Izithakazelo zakwaNdwandwe

Zwide kaLanga

Mkhatshwa

Okhaba ngezinde nangezimaqhukubezana

Nkabanhle

Wena waseGudunkomo

Nkomo kayihlatshwa

Uyothi uyayihlaba yophe amasi njengombelebele

Sandla sivika umkhonto njengehawu

Sandla simnene

Somaphunga

Nonkokhela abantu bayohlatshwa njengezinkomo

#ibinda

Kulobe INtungwa lasenhla kwaSokhumalo

Izithakazelo zakwaShabalala

Mshengu,
Mavuso,
Ngxabalala (Shabalala),
Chagwe
AbeNguni abamhlophe baka Noyaba
Sidwabasiluthuli.
Magudulela

Izithakazelo zakwaHlongwane

Ngwane kaNgwadi
Masumpa
Masenga sileka
Nduku zonobulongwe
Nina bakaMatiwane
USozisela kaMasumpa noTshani
Nina bebutho likaSangweni
UZikhali azilingani nezamaxhegwana
Sangolibanzi elingawelwa abantukazana
Ngoba livalwe ngezihlangu zamadoda

#kulobe INtungwa lasenhla kwaSokhumalo

Emails khumalobonga.m@gmail.com / bornkhumalo@yahoo.com

Phone 084 098 4016

067 144 0804

Izithakazelo ZakwaKheswa::

Kheswa!
Nozulu!
Mpangazitha!
Mchumane!
Mnguni,
Abanguni abangakanani,
Ngoba nasechopheni leqhiya (leduku) bayenela!
Izulu eladuma ekuseni,
Kwathi ntambama laphangalala!
Nina enehlis’uBuhhedlana,
Amangelengel’awel’iMpofana nawel’uThukela!
Nawela ngesilulu nibheke eBusuthu.
UMchachambi wezulu eliphezulu!
Amazalankosi,Omabelemade!
Mancumane nibahle njengokudla kwasehlobo!
Intombi engagananga kwaKheswa
Iyozala izinkwapha ngezinkwapha,
Egane kwaKheswa izale amacocobele!

Izithakazelo zakwaHadebe::

Zintathu izithakazelo zakwaHadebe ezitholakele lapha.

Hadebe
Mthimkhulu
Bhungane kaNsele
Nzimande
Wena kaLangalibalele KaNdlubu ezamila endaweni embiNgoba zamila emthondweni.
Amangelengele anzipho zinde Ngokuziqhwandela.
Makhulukhulu!
Hadeb’omuhle okhonz’agoduke
Angaze axakwe yithambo lasemzini.
Sigoloza esikhangel’ umuntuSengathi simjamele,
Umkhulu Bhungane
Kodwa awungangoNkulunkulu.

2

Mthimkhulu
Mashiy’amahle anjengawenyamazane
AbakwaThondo kwabakaSothondose.
AbakwaDlomo-dludlu wezindlu nezindlwana.
Abakwazitho zimhlophe, mashiy’amahle ,
Niye nabuthathaphi ubuhle obumhlophe obunje?
AbakwaMaxovaxova umthombo wenkosi.
AbakwaVangane, kazi sengoneni namhlanje?
UNduku – zimakhulukhulu ,
Sehla ngomnyama entabeni, kuyagonqoka.
Kumnyama phansi.
AbakwaNdlubu zamila emthondweni
KwaSothondose.
Amangelengele anzipho zinde ngokuqhwayana
Umkhulu BhunganeKodwa awungangoNkulunkulu.

3

MthimkhuluBhungane
Ndlubu zamil’ebubini
Ngoba zasaba’ukwehlela
Ingab’emhlabeni zesabani?
Mafuz’afulele njengefu lemvula
Lapho kungavalwa ngesivaloKuvalwa ngenhloko yendoda
Mashwabada!
Owashwabadel’inkomo
Kanye nezimpondo zayo.
Sigoloz’esimehl’abomvu
Esabuk’umuntu samjamela.
Mashiya amahle anjengawenyamazane,
Hlub’elihl’elinzipho zimnyama ngokuqhwayanaNgelengele!

Izithakazelo zakwaCebekhulu

Gobeni,
Nsele,
Mangethe Zikode kaPhikela,
Wena Wasetsheni,
UZwane akadlelanga phansi wadlela emkhombeni wezinyamazane,
Edla im’hlambi yezinkomo zamadoda,
Ndlangashushwana ngokudla amaNdebele,
Bathi uZwane udleni kwaMtambo?
Kuthiwa udle izinjana zimbili zigcwele umdakana,
Ntshosho!
Wena kaMafu kawalingani,
Aphansi naphezulu,ngoba aphezulu angubo ngubo,
Ntsele kaLinda kaMkhonto,
Awungilinde ngilande ezami eZungeni,
Mthanti,
Nduna ngokuthwal’ isila sensele,
UNtsele kangakanani,
Ngoba nasothini lomkhont’ angahlala.
Isikhova singathi,”hhi” sibona imihlambi yezinkomo nabantu,
Nin’enadlel’encazeni,
Nin’eniphakel’umyeni odengeleni,
Ngoba ningabenkosi.
Zikode kaNdabansele,
Mabhayi kawalingani nawangaphansi nawangaphezulu,
Mangethe,
Nina bakaVezi Owadl’isihlahla njengengwababane,
Zwane,
Phikela wengwe,
Nselenduna nina basetsheni laseNtshenteka,
Mandaba,
Ukub’uMandaba wayengehlanga phezulu saso buswa ubani?
Zinkomo zakwaLinda ezimhlane ugcwele udaka,
Ezathi zidl’ubhoqo kanti ziyawuhlakulela Ntshosho,
Nina BaseMangweni!

Izithakazelo zakwaDlamini

Sibalukhulu,
Mdlovu, Magaduzela,
Magaga kaNsele,
Wena owashisa umuntu ngesikhuni esibunjini kwaze kwasa eyobayoba,
Mgoqo ovimb’esangweni nansi impi,
Izwe lafa ngathini na?
Wena owabonela empunzini ukuthi kuyabalekwa ngoba yona yabaleka yaziphonsa ocingweni,
Ngonyama!

Izithakazelo zakwaMhlongo

Makhedama,
Soyengwase,
Nina bakaBhebhe kaMthendeka,
Nina bakaSoqubele onjengegundane,
Nina baseSiweni,
KwaMpuku yakwaMselemusi,
KwaNogwence webaya,
Dlomo weNdl’ende,
Sihlangu samavaka seswel’ababhemu,
Wen’owalala nomunw’endunu, wavuka wawuncinda wawukhomb’ilanga,
Makhul’emini abafokazana bekhul’ebusuku,
Zingwazi zempi yakwaNdunu,
Njoman’eyaduk’iminyakanyaka,
Yatholakal’onyakeni wesine,
Yabuye yatholakala ngowesikhombisa,
Langeni,
Owavel’elangeni!

Izithakazelo zakwaMkhatshwa

Zwide kaLanga,
Ndwandwe, Nxumalo,
Okhabangezinde nezimaqhukubezana,
Nkabanhle,
Wena wase Gudunkomo,
Wena owasezikhotheni, ezingakhothi ngamlomo, ezikhotha ngomkhonto kaZulu,
Nkomo ayihlatshwa , uyothi ungayihlaba yophe amasi njengo mbhelebhele,
Sandla sivikumkhonto njengehawu,
Hlubi,
Sandla simnene,
Somaphunga,
Nonkokhel’abantu bahlatshwe njenge zinkomo

Izithakazelo zakwaMavuso

Mavuso!
Ludonga, Mshengu, Shabalala!
Ncele, Magudulela!
Vuso kaNgwane!
Ncele lekhohlo lase Mzimkhulu.
Wena owadela ukubusa wakhetha ukuba ngumfokazana, ematsaktolo kaladlungwane,
iVuso eladla umuntu asesiswini kwathi lo ongaphandle wasinda ngokuzibalekela, Mthimkhulu!
Guliwe KaNgwane!

Izithakazelo zakwaMlangeni

Magasela,
Sishiya, Madondo,
Mdephane, Dlamani,
Sacolo,
Sidwaba siluthuli, singabancwaba seza nomlandakazi,
Linda!

Izithakazelo zakwaMthimkhulu

Hadebe,
Bhungane,
Wena owamila edlukwini lapho okungamilwa khona,
Mashiya amahle,
Mashiya amahle njenge nyamazane,
Mashwabada,
Wena owashwabadela inkomo ne’mpondo,
Yathi mayifika emphinjweni yadlamalala,
Umkhulu Bhungane!

Izithakazelo zakwaMzizi/Jama

Dlamini,
Mzizi,
Jama Ka Sijadu
Nomane, Mtikitiki,
Cubungulashe,
Ndabazamthethwa, Nsukunsuku,
Ntabuyanyuka, Sandluluba,
Nkosi!

Izithakazelo zakwaMngoma:

Ceng’elihle elintamonde
Mabhala obhala ngozipho abanye bebhala
ngepensela,
Bozini,
Khongisa,
Dodoza, Makhiwane, Khala lembube elikhany’entabeni zokhahlamba,
Ntamonde ingaba mfisha yeza nonina,
Ukholokholo isibongo esingabongwa
ngabaLandakazane,
Amalala alala nomunwe emuva avuke ancinde
akhomb’izulu kwafiphal’ilanga, Babuz’abakhunkuli bathi ubhula ngani abanye
bebhula ngamathambo!

Izithakazelo zakwaNgwane

Sangweni,
Zikhali,
Masumpa,Ndungunde,
Masengasileke,
Hlongwane,
Ndukuzinobulongwe, Mntungwa,
Nina enibahle njengezihlabathi zolwandle,
Siyane,
Mnqobokazi,
Songobese!

Izithakazelo zakwaNkosi(Dlamini)

Ludonga lukaMavuso,
Abay’eMbo babuyelela.
Abasidwaba weza nonina.
Abengomane yaseMavaneni,
Abaqed’uBombo ngokuhlehlezela,
AbakwaSibhahuza
SikaMabhanda eMpondweni.
Inkonekaz’evele ngobusw’emgedeni.
USamkethe, esinembay’emaLangeni,
UMswazi kaSobhuza.
Mlangeni!
Nina bakwaKusa nelanga
Nina bakwaWawawa.
Lokothwayo!
Sibalukhulu!
Nina beNgwane,
Nina besicoco sangenhlana.
Kunene!

Izithakazelo zakwaNtsele

Ntsele kaLinda Mkhonto
OwalindeSizungwini
Mthwalo wensimbi
Bayisonge bayenzumqhele
Nsele yenduna
Nina bakwaSiziba silala ingonyama
Madelisidumb adlumlenze
Athi amagwala azambalekele
Nina bakaLutholwa
Zingakatholwa zonkeizizwe
Ninenabambingonyamaizwa
Naxoshiswa ngezinkomo
Zwane!
Mthanti!

Izithakazelo zakwaNxumalo

Mkhatshwa

Malusi

Sothondose waseGudunkomo

ManukuzaZwide kaLanga,
Ndwandwe, Mkhatshwa,
Okhabangezinde nezimaqhukubezana,
Nkabanhle,
Wena wase Gudunkomo,
Wena owasezikhotheni, ezingakhothi ngamlomo, ezikhotha ngomkhonto kaZulu,
Nkomo ayihlatshwa , uyothi ungayihlaba yophe amasi njengo mbhelebhele,
Sandla sivikumkhonto njengehawu,
Hlubi,
Sandl’ esimnene,
Somaphunga,
Nonkokhel’abantu bahlatshwe njenge zinkomo

Izithakazelo zakwaShabalala

Mshengu
Donga kuka Mavuso
Sidwaba silu Thuli
Ngxabalala
Chagwe
Noyaba
Mabhedla
Thapo
Thingisi
Shevi
Bhuqa
Sayiwana
Bhokwe
Samanisi
Mehlwempi
Nkosikayikho
Phikindaba
Magudulela
Sagqubha
Ndleko
Moniwa

Izithakazelo zakwaDlungwane

Mpithikeza,
Mathaba,
Ndlalakuhle, Nhlab’shile,
Luqa,
Zondi,Nondaba,
Gagashe!

Izithakazelo zakwaZikhali

Ngwane kaNgwadi
Matiwane kaMasumpa
Masenga silekaNduku zinobulongwe
Nina besizwe sikaMatiwane
USozisela kaMasumpa notshani

Nina bebutho likaSangweni

UZikhali ezingalingani nezamaxhegwana

Sangwelibanzi olungawelwa abantukazana ngoba luvalwe ngezihlangu zamadoda, Luwelwa izinkonjane ngoba zihambela phezulu!

Izithakazelo zakwaNgobe

Ngobe,

Mlombo,

Vilivili,

Mbasela,

Mthontela ngokuthontela izintaba zoBombo!

Wena waseNgwede neNgwavuma! Ziyane!!!

Izithakazelo zakwaNhleko

Mgilitsha!
Nyanganduna!
Masomane!
Ngubo yengwe neyengonyama
Mbambo zenyathi
Malinga!
Owalinga izinkomo zenkosi
Mancwanga!
Nyawo zimhlophe.

Izithakazelo zakwaGuliwe

Guliwe,

Buhali,

Kuhlase

Madlazitha,

Mkhandathusi

Liwile,

Mabulungwe amahle asentabeni.

Ncampuza kaMense.

Izithakazelo zakwaMdima

Shange!

Dumakude

Mdima

Bhalaza

Maqonga

Nojobo

Phangandawo

Sbambo kuyephuka njengengonyama,

Dangaza mdunge njengesele,

Dangabane elehlula abahlakuli

Mathanga abushelelezi angenangqwayimane,

Bhodla bakhothe umlomo abafokazane ,

Yamela kaphangandawo,

Mancishana kancane abanye bencishana kakhulu,

Izithakazelo zakwaMashinini

Cindi,

Mahlaba, Guliwe,

Bembe,

Ntozimandla ogawula amadoda ashiye abafazi,

Madindwa kaSigabela!

Izithakazelo zakwaHlatshwayo

Mhayise wakoLanga,
Ngwanya, Siyendana,
Cebisa kaMabhengeda,
Ugid’gogweni ovala emnyango ngamakhanda amadoda,
Mgogodlana,
Nina enanqoba ibuhto lakwaGob’izembe,
Ngele

Izithakazelo zakwaGamede

Magadlela,
Mkholwa,
Sebenzekhaya,
Mbebe!

Izithkazelo zakwaMadlala

Sishi

Zazela

Madlala onganethi onetha ngomkhemezel

Gwegwana

Mulenzubovu

Hlokohloko enyoni eyakha phezukomfula

Mahlasela ngendlovu abanye beza ngemkhonto

Mpumuza

Khabalidaka

Nodlomo