IZAGA: Eziphathelene nofuzo
-(Isaga)
*(Incazelo)
-Inzimakazi izala ilungakazi
* Kuyenzeka ukuba izingane zingabafuzi abazali ngezimilo. Inzimakazi inkomo yensikazi emnyama bhuqe engenalo ibala, uma inebadlana ikakhulukazi elimhlophe kuthiwa ilungakazi
-Ukhamba lufuze iMbiza
*Umntwana ufuza abazali bakhe ngokubukeka kahle , noma ngokangabukeki kahle. Kubuye kuthiwe ‘Injalo iphuma edunjini, noma ‘Inkovu iphuma ethangeni’ , noma ‘Inkonyane ifuza unina”
-Ukhuni luzala umlotha/Isikhuni sizala umlotha
* Kusuke kushiwo kumuntu oqotho ozele izingane ezingathembekile. Lesi saga sesaguqulwa kwathiwa ‘uMfundisi uzala umthakathi”
-Isixhumo sifuza empunzini
* Ingane ibonela kubazali, incazelo yaso iyefana neyesithi ‘iNkonyane yomgakla/yomdlandla yeqa lapho kweqe khona uNina.
-Umbala uchacha enkonyaneni
* Ingane ifuza abazali , ngokubukeka kahle , noma ngokangabukeki kabi
-Akazalanga wabola amathumbu
*Kusuke kushiwo kumzali ozele izingane ezingenaso isimilo
-Nginjenje mntanethu ngoniwa yinkunzi
* Kangizidalanga ,noma kangizizalanga . Nami ngazalwa. Ngakho-ke ungalitheli kimi icala.
-Indaba ingendodana , uyise kanacala
-Kusefana nokuthi inzimakazi izala ilungakazi
#Khumu!
