IZAGA: Eziphathelene nomendo .

={Isaga}

*{Incazelo}

=Umendo kawuthunyelwa gundane

*Intombaze uma iyokwenda isuke inazi ukthi iyophatheka kanjani ekhaya layo elisha , ize yazi uma isingenile, seyendile.

Lesi saga sisefana nesithi ‘Umendo kawubhulelwa’

=Umswani wembabala kawungeniswa ekhaya

*Kusuke kubhekiswe entombini ezalwa umthakathi, akufanelwe ithathwe ngoba iyofika iwubhuqe umuzi

=Kuphangwa umdaka linile yini?

*Uphuthuma  umendo nje kwenzenjani?

=Ukuwa kwendlu wukuvuka kwenye\Ukufa komuzi wukuvuka komunye

*Kusuke kushiwo intombazane uma iyokwenda, abakwabo baye baphatheke kabi ngokuhamba kwayo iya ekhaya layo elisha, kodwa bayasizakala lapho yendela khona

=Umlobokazi uhamba esagcobile

*Umuntu kuhle ahambe kusekuhle , esathandeka

=Ukwenda wukuzilahla

*Ngoba intombazane kayazi ukuthi iyophatheka kanjani emendweni

=Akuqhalaqhala lehlula isidwaba

*Neqhalaqhala uyalivova umendo

=Uyofika kwamkhathali isidwaba siyohaqa

*Noma uliqhalaqhala nje uyokuqeda inkani umendo

=Ihlonipha lapho ingayikugcina {kwendela}khona

*Intombazane kufanele ihloniphe wonke umuntu ngoba kayizi lapho iyophelela khona

=Zala abantu ziye ebantwini, akuntombi iyogana inyamazane

*Intombazane yala insizwa ibuye iqome enye insizwa , ayiqomi isilwane

=Ilumbo livuka esidwabeni

*Kushiwo lapho sekuvela isimo soqobo ebesifihlakele, kungaba ubuthaka empilweni noma esimilweni. Kubuye kuthiwe {Amanyala avela endlini}

=Inhlwanyelo yethekelwa kubangane

*Uma umuntu efunela ingane yakhe umendo , uye abheke emizini yabantu abaziyo

=Umkhwenyana yisigodo sokuqhuzula{noma sokuxebula}

*Umkhwenyana yilapho bezikhalela khona abakubo nkosikazi yakhe uma behluphekile

=Uthando kalukhethi ludwani oluwela kulo

*Umuntu oseceleni anageze ayiqonda into eyenza insizwa nentombi yayo ukuba bathandane

=Intombi kayedlulwa

*Kulisiko lakwaZulu ukuba ithi insizwa lapho ibona intombi isho amabili amathathu , ikhombise ukuthi iyayibona ukuthi nanso intombi.

Sharing is caring!