ICACANE
Nina abakaSingquma khuluma bakuzwe umoya abasezitheni nabasemakhaya! UMancwaba wezwe lamaphethelo lona lincwaba ngemikhemezelo! INdiha lebabayo enjengeSibhaha sona simababa kuMahashanga! USingquma kakhulumi kanamlomo akanjengoDlondlwane lwakithi kwaBulawayo lona olwaqeda umuzi ngokunkenkeza!! #ISilo sakithi eMgungundlovu leso , iSilo uDingane ka Senzangakhona . Enhla nasezansi ngiyababingelela abeZulu eliphezulu , ngethemba basaphila. ****Le Nduku eniyibonayo nina beSilo kuthiwa yi-Cacane igama layo , nayo ingenye yeziNhlaba phecelezi amaAloe , yiyona Nhlaba encane kunazo zonke iziNhlaba lena. ***Le Nduku abeLungu baye bayitshale emakhaya abo bayitshelele ukuhlobisa ikhaya, kanti iNdlu emnyama yona iyitshala ngenkolelo yokuthi izodonsa iziNhlanhla , ngisho noMnotho imbala.
Yenzani le Nduku?
Nina beSilo le Nduku iye isetshenziswe ngezindlela ezahlukene. Izimpande zale Nduku ziwumuthi omkhulu weSilumo . Ziye zibiliswe zenziwe iSiphungo sokundambisa amandla eSilumo , leso Siphungo sibuye sichathe futhi sichathe uMame okhathazwa yiSilumo uma eseFindweni. Izimpande zale Nduku zibuye zithakwe eMbizeni yeSilumo , nokho ziyakwazi ukugiya zizodwa . **Nina beSilo izimpande zale Nduku azivamisile ukusala eNdukwini edliwa umuntu obangwa ziDalwa. Ziyangena futhi eGobongweni lokugeza iDlozi. Ziyangena futhi kwezokucacisa amaphupho , ziyalisondeza neDlozi uma beseliqhelile lingasakhulumi emaphusheni. Ziyangena futhi izimpande zale Nduku emithini yamaSoka yoBulomo. Ziyangena kwezeNhlanhla. Ziyangena futhi eZikhafulweni zokubuyisa isithandwa . Le Nduku iyayilungisa impilo yomuntu icace , iyasiguqula isimo esibi isenze sibe sihle . Ifana noMaguqu noMphenduli. Le Nduku ikwenza konke nina beSilo ,iyagquma , iyaphalaza , iyageza ,iyachatha, ibuye ikhafule futhi ..
Khumu!!
Niphile nina beZulu eliphezulu.. Thola olunye ulwazi kuYou Tube wethu osihloko sithi “Kholo Khumalo TV”…..
