IziNtshe
Nina abeGwalagwala likaMenzi elisuke eNtumeni kwabheja iShowe kwabheja iNdulinde kwaze kwaya kwabheja noLwandle noThukela !! ISinakanaka sezincwadi ebezibhalwa uMalimade kwabamhlophe abeLungu! UKhaba limile lodwa ngaseNhlungwane amanye amakhaba emila izixexelegu!! ##ISilo sakithi oNdini leso , iSilo uCetshwayo ka Mpande . Enhla nasezansi ngiyababingelela abeZulu eliphezulu , ngethemba basaphila..
INtshe….
Zulu omnyama ondlela zimhlophe ,lolu hlobo lwenyoni kuthiwa yi-Ntshe igama lalo. INtshe ingenye yezinyoni ezingakwazi ukundiza, ezethembele ekugijimeni. Akujubane kuloMfo kiyabhujwa. Kanti nokulwa uyalwa futhi hhayi kancane , ugxoba ngalo unyawo lwakhe lolu enilubonayo. Ufika enjeni afike nasendodeni. Kuthiwa iQhude leNtshe limnyama ngokombala ,iSikhukhukazi sona siMpunga. Kuthiwa iNtshe ibeka amaqanda angale kuka12 nina beSilo. Ayadliwa amaqanda eNtshe ,amnandi ehla esiphundu.Kuthiwa neQhude leNtshe nalo liyawafukamela amaqanda ,lelekelelane nowakwalo. *Kuyileso sizathu amafutha eNtshe engena kwiZibambelelo. *Unyawo lweNtshe luhle kuMabutho athunywa ukuyolwa . Luhle naseMabhandeni ezokulwa. Iqanda leNtshe lihle eZikweni le Mfuyo , zanda ngendlela exakile izinkomo uma ulithake kahle . Iqanda leNtshe libuye lingene kwiZihlambezo. Izinsiba zeNtshe kuyahlotshwa ngazo , kwakhiwa ngazo iZindlukula (iziDlokolo)
Khumu!
Thola olunye ulwazi kuYou Tube wethu osihloko sithi “Kholo Khumalo TV
